Azərbaycan News Agency

Komissiya rəhbəri Leyen qeyd edib ki, İran heç vaxt nüvə bombasına sahib olmamalıdır.

Yaxın Şərqdə gərginliyin zirvəyə çatdığı bir dövrdə sabitliyin əsas prioritet olması lazım olduğunu deyən Leyen əlavə edib:

“Beynəlxalq hüquqa hörmət son dərəcə vacibdir. İndi İranın etibarlı diplomatik həll yoluna yönəlməsinin zamanıdır. Bu böhranı bitirməyin yeganə yolu danışıqlar masasıdır.”

Avropa Şurasının Prezidenti Antonio Kosta isə baş verənlərlə bağlı belə danışıb:

“Yaxın Şərqdən gələn xəbərlər bizi dərindən narahat edir. Bütün tərəfləri təmkinli olmağa, beynəlxalq hüquqa və nüvə təhlükəsizliyinə hörmət etməyə çağırıram. Diplomatiya, bölgəyə sülh və təhlükəsizlik gətirməyin yeganə yoludur. Çox sayda mülki şəxs yenidən eskalasiyanın qurbanına çevrilə bilər. Aİ, danışıqlar masasında sülh yolu ilə həll tapmaq üçün tərəflərlə və tərəfdaşlarımızla qarşılıqlı fəaliyyətini davam etdirəcək.”