Azərbaycan News Agency

Avropa Komissiyasının Prezidenti Ursula fon der Leyen Böyük Britaniyanın Financial Times qəzetinə açıqlamasında Avropa ölkələrinin hazırda Ukraynaya əsgər göndərmək üçün "olduqca ətraflı plan" üzərində işlədiyini bildirib.

Onun sözlərinə görə, Rusiya və Ukrayna arasında sülh sazişi əldə olunacağı təqdirdə, bu planlar ölkələrin təhlükəsizlik öhdəliklərinin bir hissəsi olacaq. Müharibə bitdikdən sonra Avropa qüvvələri sülhün qorunmasına dəstək göstərəcək.

Fon der Leyen qeyd edib ki, ABŞ bu planları tam dəstəkləyir və ABŞ Prezidenti Donald Tramp Ukraynaya Amerika qoşunlarının göndərilməsini təsdiqləyib.

Hazırda Rusiyaya yaxın Şərqi Avropadakı Aİ üzv dövlətlərini ziyarət edən fon der Leyen deyib: "Çox aydın planımız və Ağ Ev ilə razılaşmamız var".

Ukrayna Prezidenti Volodimir Zelenski isə bildirib ki, əgər Ukrayna Rusiya ilə sülh və ya atəşkəs danışıqlarına başlasa, belə təhlükəsizlik zəmanətləri tələb edir.