Azərbaycan News Agency

Braziliya Prezidenti Luiz İnasio Lula da Silva ABŞ-ın Braziliya məhsullarına tətbiq etdiyi yeni gömrük tariflərini "strateji səhv" adlandırıb. Lula iddia edib ki, tariflər siyasi səbəblərlə tətbiq olunub və Vaşinqton administrasiyası iki ölkə arasında aparılan dialoq və texniki danışıqlara baxmayaraq yeni rüsumları qüvvəyə mindirib.

Lula bildirib ki, yeni tariflər Braziliya ilə ABŞ arasında ticarətə mənfi təsir göstərəcək, istehsal zəncirlərini pozacaq və ABŞ istehlakçıları üçün bir çox məhsulun qiymətini artıracaq. Braziliyanın suverenliyinə hörmət edilməsinin vacibliyini vurğulayan Lula qeyd edib ki, ölkəsi qarşılıqlı hörmət prinsipi əsasında dialoqa açıqdır, lakin xarici müdaxiləni qəbul etməyəcək.