Azərbaycan News Agency

Braziliya Prezidenti Luiz İnasio Lula da Silva COP31 çərçivəsində təşkil olunan tədbirdə İran Prezidenti Məsud Pezeşkianla görüşüb.

Lula görüşdə Yaxın Şərqdəki münaqişələri, xüsusilə İrandakı müharibəni müzakirə etdiklərini bildirib. O, Pezeşkianın ABŞ ilə aparılan danışıqlar və Qətərlə Pakistanın vasitəçilik təşəbbüsləri barədə məlumat verdiyini qeyd edib.

2010-cu ildə imzalanmış Tehran Bəyannaməsi üzrə danışıqlarda Braziliyanın oynadığı rolu xatırladan Lula münaqişənin sona çatdırılması üçün sülh yolu ilə həllin tapılmasını dəstəklədiyini bildirib. Lula həmçinin nüvə enerjisindən dinc və mülki məqsədlərlə istifadənin tərəfdarı olduğunu vurğulayıb.

Lula müharibənin qlobal yanacaq və ərzaq qiymətlərinə təsirindən narahatlığını ifadə edərək Hörmüz boğazında sərbəst gəmiçiliyin qorunmasının vacibliyini qeyd edib.

Görüşdə 2025-ci ildə 3 milyard dollara çatan ikitərəfli ticarətin şaxələndirilməsi və inkişaf etdirilməsi də müzakirə olunub. Lula Braziliyanın İrandan xam neft idxalını artırmaqda maraqlı olduğunu bildirib.