Azərbaycan News Agency

Mers Starmer və Makron ilə Yaxın Şərqdəki son hadisələri müzakirə edib. O, regiondakı bütün ölkələr üçün sülh və sabitliyə sadiqliyini bir daha vurğulayıb və deyib: "İsrailin təhlükəsizliyinə dəstəyimizi təsdiqləyirik."

Mers bildirib ki, İran heç vaxt nüvə silahına sahib olmamalı və artıq regional təhlükəsizlik üçün təhdid yaratmamalıdır:

"Bu gün səhər saatlarında ABŞ Fordo, Natanz və İsfahan şəhərlərindəki nüvə obyektlərinə qarşı hədəfli hərbi zərbələr endirdi. Məqsədimiz İranın nüvə silahı əldə etməsinin qarşısını almaqdır. İranı nüvə proqramı ilə bağlı bütün narahatlıqları aradan qaldıracaq bir razılaşmaya aparacaq danışıqlarda iştirak etməyə çağırırıq. Bütün tərəflərlə koordinasiyalı şəkildə bu məqsədə töhfə verməyə hazırıq."

Fridrix Mers İranı regionu qeyri-sabitləşdirə biləcək hər hansı bir hərəkətdən çəkinməyə çağıraraq bildirib: "Gərginliyi azaltmaq və münaqişənin genişlənməsinin qarşısını almaq üçün birgə diplomatik səylərimizi davam etdirəcəyik."