Azərbaycan News Agency

Mers əsas məqsədin İsrail xalqı və region üçün sülh və təhlükəsizliyin təmin olunması olduğunu vurğulayıb.

O, Qəzzada atəşkəsə ehtiyac olduğunu bildirib və deyib: “Alman vətəndaşları da daxil olmaqla girovlar azad edilməlidir, Fələstin İslam Müqavimət Hərəkatı silahsızlaşdırılmalı və terror dayandırılmalıdır.”

Mers qeyd edib ki, İsrail Qəzzadakı humanitar vəziyyəti sürətlə və qətiyyətlə yaxşılaşdırmalıdır: “Əziyyət çəkən mülki əhaliyə humanitar və təcili yardım göstərilməlidir. Bu istiqamətdə atılan ilk addımları alqışlayırıq, lakin bunun ardı gəlməlidir.”

O, müvəqqəti atəşkəsi daimi sülhə çevirmək üçün Qəzzaya dair həyata keçirilə biləcək siyasi baxışa ehtiyac olduğunu vurğulayıb və əlavə edib: “İordan çayının qərb sahilinin ilhaqına yönəlmiş heç bir deportasiya və digər addım olmamalıdır.”