Azərbaycan News Agency

Prezident Milatoviç qeyd edib ki, müharibənin dağıntılarına, yandırılmış kəndlərə, viran olmuş şəhərlərə və minlərlə günahsız qurbanlara baxmayaraq, Monteneqro dörd il ərzində müharibə zamanı heç vaxt təslim olmayıb.

O, İkinci Dünya Müharibəsinin ən qaranlıq günlərində faşizmə qarşı məşəli daşıyan hər kəsi xüsusi ehtiram və minnətdarlıqla yad etdiklərini vurğulayıb.

"Eyni zamanda, Avropa Gününü qeyd edərkən, paylaşdığımız əsas sivilizasiya dəyərlərini, ədalət və azadlıq ideallarını da qeyd edirik. Bu ideallar hər bir fərd və cəmiyyətin rifahı üçün əsas şərtdir. Avropa İttifaqına üzvlük yolumuz faşizmə qarşı mübarizəyə, demokratiyaya, hüququn aliliyinə və insan ləyaqətinin istisnasız hörmət olunduğu cəmiyyətə sadiqliyimizin yoludur."