Azərbaycan News Agency

Moldova Xarici İşlər Nazirliyi Shahed tipli pilotsuz uçuş aparatının Moldova Respublikasının hava məkanını pozduğunu və Kişineu ətrafında mülki hava hərəkətinə məhdudiyyətlərin tətbiq edilməsinə səbəb olduğunu açıqlayıb.

Moldova Xarici İşlər Nazirliyi sosial media hesabında paylaşdığı açıqlamada pilotsuz uçuş aparatının Moldova hava məkanına daxil olaraq ölkə ərazisi üzərindən keçdiyini bildirib.

Nazirlik pilotsuz uçuş aparatlarının Moldova hava məkanına daxil olmasının və bunun nəticəsində mülki uçuşlara məhdudiyyətlərin tətbiq edilməsinin təhlükənin real və təcili olduğunu göstərdiyini qeyd edib.

Açıqlamada Moldova hava məkanının pozulmasının mülki hava hərəkətinin təhlükəsizliyinə birbaşa təsir etdiyi bildirilib.

Moldova Xarici İşlər Nazirliyi sözügedən hadisələrin Rusiyanın Ukraynaya qarşı davam etdirdiyi müharibənin birbaşa nəticəsi olduğunu bildirib.

Nazirlik pilotsuz uçuş aparatının hava məkanını pozmasının eyni zamanda Rusiyanın beynəlxalq hüquqa münasibətini ortaya qoyduğunu qeyd edib.

Açıqlamada həmçinin baş verən hadisələrin Rusiyanın sülhə və ya danışıqlara səmimi bağlılıq iddialarından daha güclü mesaj verdiyi ifadə olunub.