Azərbaycan News Agency

Moldova Xarici İşlər Nazirliyi gecə saatlarında Ukraynaya qarşı həyata keçirilən genişmiqyaslı raket və pilotsuz uçuş aparatı hücumunu kəskin şəkildə pisləyib.

Nazirlik hücumlarda mülki, enerji, dəmir yolu və logistika infrastrukturunun hədəfə alındığını, çox sayda insanın həyatını itirdiyini və onlarla şəxsin yaralandığını bildirib.

Ukraynanı hədəf alan pilotsuz uçuş aparatlarından birinin Moldova Respublikasının hava məkanından keçdiyini bildirən nazirlik bunun beynəlxalq hüququn pozulması və ölkənin suverenliyi ilə təhlükəsizliyinə ciddi təhdid olduğunu vurğulayıb.

Moldova Xarici İşlər Nazirliyi Ukrayna və Ukrayna xalqı ilə tam həmrəylik içində olduğunu bildirib.