Azərbaycan News Agency

NASA-nın verdiyi məlumata görə, ən yeni astrofizik rəsədxana SPHEREx kainatın mənşəyini, qalaktikaların tarixini araşdırmaq və qalaktikada həyatın komponentlərini axtarmaq üçün kosmosa göndərilib.

SPHEREx, Spectro-Photometer for the History of the Universe, Epoch of Reionization and Ices Explorer-in qısaltmasıdır və Kaliforniyadakı Vandenberg Kosmik Qüvvələri Bazasında yerləşən Space Launch Complex 4 East-dən SpaceX Falcon 9 raketi ilə buraxılmışdır.

SPHEREx, Falcon 9-un göyərtəsində dörd kiçik peyk daşıyır və bu peyklər Günəşin xarici atmosferinin günəş küləyinə necə çevrildiyini araşdıracaq PUNCH missiyasını təşkil edir.

SPHEREx hər altı aydan bir bütün göy üzünün üçölçülü xəritəsini çıxaracaq və geniş elmi məqsədlərinə çatmağa çalışacaq.

Bu xəritə, NASA-nın Ceyms Uebb Kosmik Teleskopu və Habl Kosmik Teleskopu kimi cihazlarının daha kiçik göy bölgələrini daha ətraflı tədqiq etməsinə əlavə olaraq geniş bir perspektiv təmin edəcək.