Azərbaycan News Agency

Qətər Xarici İşlər Nazirliyinin açıqlamasına görə, Qətərin Baş naziri və xarici işlər naziri Şeyx Məhəmməd bin Əbdülrəhman bin Casim Əl-Sani Türkiyə Respublikasının xarici işlər naziri Hakan Fidan ilə görüşüb.

Görüş zamanı iki ölkə arasında əməkdaşlıq münasibətləri müzakirə olunub, bu münasibətlərin dəstəklənməsi və gücləndirilməsi istiqamətində atılacaq addımlar dəyərləndirilib.

Görüşün əsas gündəm mövzularından biri də Amerika Birləşmiş Ştatları (ABŞ) ilə İran İslam Respublikası arasında vasitəçilik fəaliyyətləri olub. Nazir Fidan və Əl-Sani regionda təhlükəsizlik və sabitliyin artırılmasına töhfə verən, gərginliyin azaldılmasına yönəlmiş vasitəçilik səylərinin koordinasiyası barədə fikir mübadiləsi aparıblar.