Azərbaycan News Agency

Pakistanın Baş nazirinin müavini və xarici işlər naziri İshaq Dar Səudiyyə Ərəbistanının xarici işlər naziri şahzadə Feysəl bin Fərhan Al Səud ilə telefon danışığı aparıb.

Pakistan Xarici İşlər Nazirliyinin açıqlamasına görə, tərəflər Səudiyyə Ərəbistanında 14 nəfərin həyatını itirdiyi helikopter qəzası ilə bağlı başsağlığı mesajlarını çatdırıblar.

Tərəflər həmçinin regional hadisələri müzakirə edib və mövcud vəziyyətlə bağlı narahatlıqlarını bölüşüblər. Danışıqlarda "İslamabad Anlaşma Memorandumu" çərçivəsində regionda sülh və sabitliyin qorunması istiqamətində əməkdaşlığın davam etdirilməsinin vacibliyi vurğulanıb.

Bildirilib ki, Səudiyyə Ərəbistanının xarici işlər naziri münasib vaxtda Pakistana səfər etməyi planlaşdırır və Pakistan tərəfi bu səfəri məmnuniyyətlə qarşılayıb.