Azərbaycan News Agency

Pakistanın Baş nazirinin müavini və xarici işlər naziri Məhəmməd İshaq Dar Baş nazirin göstərişlərinə uyğun olaraq yüksək səviyyəli səfərlərin nəticələrini qiymətləndirmək və qarşıdakı təmaslara hazırlıq məsələlərini müzakirə etmək məqsədilə Xarici İşlər Nazirliyində iclas keçirib. İclasda iştirakçılar razılaşdırılmış təşəbbüslərin irəli aparılması, xüsusilə ticarət və investisiya olmaqla digər sahələrdə də əməkdaşlığın gücləndirilməsi məsələlərini müzakirə ediblər.

Dar tərəfdaş ölkələrlə münasibətlərdə müsbət dinamikanın qorunması üçün diplomatik təmasların davam etdirilməsinin vacibliyini vurğulayıb. O, aidiyyəti nazirliklərə sıx koordinasiyanı davam etdirmək, yeni iqtisadi imkanları qiymətləndirmək və razılaşdırılmış qərarları vaxtında həyata keçirmək barədə göstəriş verib.

İclasda milli ərzaq təhlükəsizliyi və tədqiqatlar, neft, informasiya texnologiyaları və telekommunikasiya nazirləri, Xarici İşlər Nazirliyinin katibi, Baş nazirin sənaye və istehsalat üzrə müşaviri, xarici işlər, ticarət, dəmir yolları və xaricdə yaşayan pakistanlılarla bağlı qurumların katibləri, eləcə də aidiyyəti nazirlik və idarələrin yüksək vəzifəli rəsmiləri iştirak ediblər.