Azərbaycan News Agency

Xorvatiyanın Baş naziri Andrey Plenkoviç açıqlamasında mədəni irs obyekti kimi mühafizə olunan nazirlik binasının yenidənqurma işlərinin başa çatdırıldığını bildirib. Plenkoviç Zaqreb və Banovina bölgələrində baş vermiş zəlzələlərdən sonra həyata keçirilən bərpa prosesində iştirak edən hər kəsə təşəkkür edib.

Plenkoviç binaların əvvəlki vəziyyətinə qaytarılması əvəzinə, konstruktiv və hərtərəfli yenidənqurmaya üstünlük verildiyini qeyd edərək, görülən işlərin daha təhlükəsiz, dayanıqlı və enerji səmərəliliyi yüksək olan binaların yaradılmasına yönəldiyini vurğulayıb.

Plenkoviç yenidənqurma işlərinə indiyədək 5,3 milyard avro xərcləndiyini və vəsaitin Avropa İttifaqının Həmrəylik Fondu, Milli Bərpa və Dayanıqlılıq Planı, eləcə də dövlət büdcəsi hesabına təmin edildiyini bildirib. O, Zaqrebdə xəstəxanaların, məktəblərin, universitetlərin, ictimai binaların, həmçinin mədəni və dini irs obyektlərinin bərpa olunduğunu qeyd edib.