Azərbaycan News Agency

Moldovanın Baş nazir müavini və xarici işlər naziri Mihai Popşoy qəza sonrası aparılan diplomatik proseslərə və insan itkilərinə toxunaraq, baş verən hadisədən dərin kədər duyduqlarını bildirib.

Qəza ilə bağlı ilk detalları paylaşan Popşoy deyib: “Macarıstanın Györ şəhəri yaxınlığında baş verən faciəvi yol qəzasından dərin kədər duyuruq. İlkin məlumata görə, Moldova qeydiyyat nişanlı mikroavtobusda səfər edən 7 nəfər həyatını itirib.”

Popşoy həlak olanların ailələri ilə həmrəylik içində olduqlarını vurğulayaraq mesajını belə tamamlayıb: “Düşüncələrimiz zərərçəkənlərlə birlikdədir. Moldovanın səfirliyi yerli hakimiyyət orqanları ilə sıx əlaqə saxlayır.”