Azərbaycan News Agency

Belçikanın xarici işlər naziri Maxime Prevot Kolumbiyanın qərbində baş verən güclü zəlzələdən sonra açıqlama verib.

Prevot Belçikanın hadisələri yaxından izlədiyini və Brüsseldəki böhran mərkəzinin vəziyyətlə bağlı işlərini davam etdirdiyini bildirib. O, Belçikanın Boqotadakı səfirliyinin də yardıma ehtiyacı olan Belçika vətəndaşlarına dəstək verməyə hazır olduğunu qeyd edib.

Belçikanın Avropa Mülki Müdafiə Mexanizminin işə salınacağı təqdirdə töhfə verməyə hazır olduğunu bildirən Prevot, Birləşmiş Millətlər Təşkilatının humanitar yardım fəaliyyətlərinə də dəstək verəcəklərini qeyd edib.