Azərbaycan News Agency

Rusiya Prezidenti Vladimir Putin Üçüncü Rusiya-Afrika Sammiti çərçivəsində paytaxt Moskvada Qana Prezidenti John Dramani Mahama ilə görüş keçirib.

Görüşün açılışında çıxış edən Putin iki ölkə arasındakı münasibətlərin Qananın müstəqillik uğrunda mübarizəsinə və müstəmləkəçiliyə qarşı mövqeyinə əsaslandığını bildirərək, 1958-ci ildə diplomatik münasibətlərin qurulmasından bəri formalaşan ortaq irsi qorumaq və inkişaf etdirmək istədiklərini ifadə edib.

İkitərəfli ticarətdə 6 faizlik artım

Siyasi və parlamentlərarası təmasların artmasından məmnunluğunu bildirən Putin iqtisadi əlaqələrə də toxunub. Qananın Rusiyanın Saharadan cənubda yerləşən Afrika ölkələri arasında ən böyük ticarət tərəfdaşlarından biri olduğunu vurğulayan Rusiya lideri iki ölkə arasındakı ticarət dövriyyəsinin yanvar-avqust dövründə 6 faiz artdığını açıqlayıb.

Təhsil və beynəlxalq sahədə əməkdaşlıq

Qanaya təhsil sahəsində dəstək verməyə davam edəcəklərini bildirən Putin hazırda 649 qanalı tələbənin Rusiyada təhsil aldığını xatırladıb və səfər münasibətilə fəxri doktor adına layiq görülən Mahamanı təbrik edib.

Putin həmçinin Qananın Birləşmiş Millətlər Təşkilatında (BMT) Rusiyanın təqdim etdiyi qətnamə layihələrinə verdiyi dəstəyi yüksək qiymətləndirdiklərini vurğulayıb. O əlavə edib ki, Rusiya Akra hökumətinin neomüstəmləkəçiliyə qarşı mübarizə və müstəqil xarici siyasət yürütmək məsələlərində prinsipial mövqeyini məmnuniyyətlə qarşılayır.