Azərbaycan News Agency

İran parlamentinin sədri Məhəmməd Baqir Qalibaf ABŞ administrasiyasının İsrailə üstünlük verən siyasətini tənqid edərək Vaşinqtonun müharibənin yeni mərhələsinə hazırlaşdığını iddia edib.

ABŞ-nin qumarbaz kimi masadan qalxa bilmədiyini irəli sürən Qalibaf bildirib: “Uduzmasına baxmayaraq, masadan ayrıla bilməyən qumarbaz kimi davranır”. Qalibaf ABŞ-nin “İsraili birinci yerə qoyan siyasətin yaratdığı uçurumun astanasında” olduğunu qeyd edərək ölkənin bu prosesdə kritik bir nöqtəyə doğru sürükləndiyini iddia edib.

ABŞ administrasiyasının müharibənin yeni mərhələsinə hazırlaşdığını iddia edən Qalibaf açıqlamasında birbaşa müraciət etdiyi şəxsə xitab edərək deyib: “Uzun-uzadı çıxışları bir kənara qoyun. Niyə bunu rəhbərinizə demirsiniz?”