Azərbaycan News Agency

Qazaxıstan Xarici İşlər Nazirliyinin açıqlamasına görə, Qırğızıstan tərəfinin təşəbbüsü ilə Qazaxıstanın xarici işlər naziri Muxtar Tileuberdi ilə Qırğızıstanın xarici işlər naziri Jeenbek Kulubayev arasında telefon danışığı keçirilib.

Danışıq zamanı Kulubayev Tileuberdini yeni vəzifəsi münasibətilə təbrik edib və ona fəaliyyətində uğurlar arzulayıb.

Nazirlər Qazaxıstan və Qırğızıstan arasında müttəfiqlik münasibətlərinin sabit şəkildə inkişaf etdiyini qeyd ediblər. Tərəflər siyasi dialoqun gücləndirilməsi, ticarət və iqtisadiyyat, investisiya, nəqliyyat və logistika, su və enerji, eləcə də mədəni və humanitar sahələrdə əməkdaşlığın genişləndirilməsinə qarşılıqlı sadiqliklərini ifadə ediblər.

Danışıq zamanı həmçinin regional və beynəlxalq gündəmdəki aktual məsələlər müzakirə olunub, yüksək və ali səviyyələrdə keçirilməsi planlaşdırılan beynəlxalq tədbirlərin təqvimi nəzərdən keçirilib.