Azərbaycan News Agency

Qətərin Baş naziri və xarici işlər naziri Şeyx Məhəmməd bin Əbdürrəhman bin Casim Al Sani İordaniya Kralı II Abdullahın işğal altındakı Qüdsdə İsrailin siyasət və fəaliyyətlərinə qarşı beynəlxalq təşəbbüsləri əlaqələndirmək məqsədi daşıyan Ərəb Nazirlər Komitəsinin üzvləri ilə keçirdiyi görüşdə iştirak edib.

İordaniyanın paytaxtı Ammanda keçirilən toplantıda Fələstindəki son hadisələr, xüsusilə işğal altındakı Qüdsdə yaşanan gərginlik müzakirə olunub.

Toplantıda həmçinin Qüdsün islam və xristian kimliyinin qorunmasına yönəlmiş birgə səylər və qarşılıqlı maraq doğuran müxtəlif məsələlər dəyərləndirilib.