Azərbaycan News Agency

Ukrayna Prezidenti Volodimir Zelenski bildirib ki, Finlandiya Prezidenti Aleksandr Stubb ilə görüşündə Ukraynanın hava hücumundan müdafiə imkanlarının gücləndirilməsi və Rusiyaya diplomatik təzyiqin artırılması məsələlərini müzakirə ediblər.

Zelenski qeyd edib ki, Finlandiyanın Rusiyanın ballistik raket hücumlarına qarşı Ukraynaya necə dəstək verə biləcəyini müzakirə ediblər və hava hücumundan müdafiə sistemləri üçün dünyada mövcud raket ehtiyatlarından xəbərdar olduqlarını bildirib.

Ukraynanın hər gün Rusiyanın hücumlarına qarşı özünü müdafiə etməyə məcbur olduğunu vurğulayan Zelenski deyib: "Tərəfdaşlarımızın hər biri indi dəstək versə, çoxlu insanın həyatı xilas edilə bilər."

Zelenski Finlandiya Prezidenti Aleksandr Stubba çevik reaksiyasına və dəstək göstərməyə hazır olduğuna görə təşəkkür edib, görüş zamanı diplomatik prosesin də müzakirə olunduğunu bildirib.

Zelenski Rusiyanı sülhə məcbur edə biləcək bütün addımların nəzərdən keçirildiyini bildirərək deyib: "Putin artıq insanları öldürə bilməyəndə bu müharibədən çıxış yolu axtarmağa məcbur olacaq. Sülh yalnız Ukraynaya kifayət qədər dəstək göstərilməsi və Rusiyaya təzyiqin artırılması ilə mümkün ola bilər."