Azərbaycan News Agency

Birləşmiş Millətlər Təşkilatının (BMT) Baş katibi Antonio Quterreş sosial media hesabında etdiyi açıqlamada qlobal mənzil böhranına və bərabərsizliyə diqqət çəkib.

Quterreş açıqlamasında mənzil təminatının bərabərsizliklə mübarizədə və dayanıqlı inkişafın sürətləndirilməsində əsas amillərdən biri olduğunu bildirib.

Dünyada 3 milyarddan çox insanın münasib mənzilə çıxışının olmadığını vurğulayan Quterreş mənzil böhranının aradan qaldırılması üçün qlobal səviyyədə təcili tədbirlər görülməsinə çağırıb.

Quterreş hər kəsin “evim” deyə biləcəyi təhlükəsiz və münasib yaşayış yerinə sahib olmalı olduğunu qeyd edərək, dünyanın müxtəlif şəhərlərinin rəhbərliklərini hamı üçün münasib mənzil təminatına yönəlmiş layihələrə sərmayə qoymağa dəvət edib.