Azərbaycan News Agency

BMT-nin Baş katibi Antonio Quterreş qlobal böhranlar zamanı sahədə fəal çalışan əməkdaşların fədakarlığını vurğulayaraq təşkilatın daşıdığı məsuliyyəti xatırladıb.

BMT-nin qlobal missiyasına toxunan Quterreş deyib: “Birləşmiş Millətlər Təşkilatı belə bir söz verir ki, bombalar yağanda, daşqınlar baş qaldıranda və ya uşaqların yeməyə heç nəyi olmayanda kömək əlini uzadan biri olacaq. Bu vədə əməl etmək üçün xüsusi insan olmaq lazımdır; başqaları naminə hər şeyi riskə atmağa hazır olan insan.”

Quterreş sahədə çalışan əməkdaşlarla işləməyin onun üçün böyük qürur olduğunu bildirərək sözlərini belə tamamlayıb: “Belə insanlarla işləmək həyatımın ən böyük şərəfi olub.”