Azərbaycan News Agency

Özbəkistanın xarici işlər naziri Baxtiyor Saidov Cənubi Afrikanın beynəlxalq münasibətlər və əməkdaşlıq naziri Ronald Lamola ilə apardığı telefon danışığı ilə bağlı açıqlama verib.

Saidov Cənubi Afrikanın Özbəkistanın Afrika qitəsindəki mühüm tərəfdaşlarından biri olduğunu bildirərək, ikitərəfli münasibətlərdə müsbət dinamikanın yarandığını qeyd edib.

Görüşdə siyasi dialoqun intensivləşdirilməsi, ticarət və investisiya əlaqələrinin genişləndirilməsi və birgə layihələrin inkişaf etdirilməsi istiqamətində konkret addımlar müzakirə olunub. Saidov 2027-2029-cu illərdə Özbəkistanın sədrlik edəcəyi Qoşulmama Hərəkatı çərçivəsində əməkdaşlığa da xüsusi əhəmiyyət verdiklərini və Cənubi Afrikanın bu dövrdə keçiriləcək tədbirlərdə fəal iştirakını gözlədiklərini bildirib.

Saidov həmçinin Ticarət və İqtisadi Əməkdaşlıq üzrə Hökumətlərarası Komissiyanın fəaliyyətə başlaması və ikitərəfli hüquqi bazanın inkişaf etdirilməsi məsələlərinin müzakirə olunduğunu bildirib. Tərəflərin yaxın gələcəkdə üz-üzə görüşərək müzakirə edilən təşəbbüsləri irəli aparmaq barədə razılığa gəldiyi qeyd olunub.