Azərbaycan News Agency

Pakistanın Baş naziri Şahbaz Şərif Çinin sərhəd bölgəsində baş verən daşqınlar və torpaq sürüşmələri nəticəsində həyatını itirənlərlə bağlı Çin rəhbərliyinə və xalqına başsağlığı verib.

Şərif açıqlamasında, “Pakistan hökuməti və xalqı adından Çin rəhbərliyinə və xalqına ən dərin hüznlə başsağlığı verirəm”, - deyib.

İnsan tələfatı və itkin düşənlərin onlarda dərin kədər yaratdığını bildirən Şərif, “Bu faciə çinli qardaşlarımızla dərin kədərimizi və həmrəyliyimizi ortaya qoyur”, - deyib.

Axtarış-xilasetmə işlərinin davam etdiyini bildirən Şərif Pakistanın “mümkün olan hər cür dəstək və yardımı göstərməyə hazır” olduğunu qeyd edib. Şərif həyatını itirənlərin ailələrinə başsağlığı verərək yaralıların tezliklə sağalmasını və itkin düşən şəxslərin təhlükəsiz şəkildə tapılmasını arzulayıb.