Azərbaycan News Agency

Pakistanın Baş naziri Şahbaz Şərif Qırğızıstanın ev sahibliyi etdiyi sammitdə çıxışı zamanı ölkəsinin 2027-ci ildə ŞƏT-ə sədrliyi təhvil alacağını elan edərək terrorizmlə mübarizə, su təhlükəsizliyi və regional əməkdaşlıqla bağlı mesajlar verib.

Sammitlə bağlı fikirlərini bölüşən Şərif deyib: "Bu gün Pakistanın 2027-ci ildə ŞƏT-ə sədrliyi öz üzərinə götürməsi münasibətilə Bişkekdə keçirilən ŞƏT Dövlət Başçıları Şurasının iclasında çıxış etmək mənim üçün şərəf oldu. Sammitə uğurla ev sahibliyi etdiyinə və Təşkilata yüksək səviyyədə rəhbərlik etdiyinə görə Qırğız Respublikasını təbrik etdim."

ŞƏT-in regional roluna və terrorizmlə mübarizəyə toxunan Şərif deyib: "Şanxay Ruhunun rəhbərliyi ilə ŞƏT son 25 ildə regional əməkdaşlıq üçün həyati əhəmiyyətli foruma çevrilib. Pakistanın terrorizmlə mübarizədə verdiyi böyük qurbanları xatırladaraq, terrorizmin bütün forma və təzahürlərinin qınanmalı olduğunu bir daha vurğuladım."

Su ehtiyatlarının qorunmasına və sədrliyin mövzusuna diqqət çəkən Şərif açıqlamasını bu sözlərlə tamamlayıb: "Həmçinin ŞƏT ailəsinə suyun regionumuzun həyat damarı olduğunu xatırlatdım: Su heç vaxt silaha çevrilməməli və ortaq suları tənzimləyən məcburi sazişlərə həm hərfi, həm də ruhu etibarilə hörmət edilməlidir. Pakistan sədrliyini bu mövzu altında həyata keçirəcək: 'Vizyonu Fəaliyyətə Çevirmək: Bağlantı, İnnovasiya və Ortaq Rifah.'"