Azərbaycan News Agency

Pakistanın Baş nazirinin müavini və xarici işlər naziri senator Mohammad Ishaq Dar Bişkekdə Şanxay Əməkdaşlıq Təşkilatının (ŞƏT) Baş katibi ilə görüşüb.

Pakistan Xarici İşlər Nazirliyinin açıqlamasına görə, görüşdə Pakistanın 2026–2027-ci illər üçün ŞƏT-ə sədrliyi çərçivəsində müəyyən etdiyi prioritetlər və izləməyi planlaşdırdığı yanaşma müzakirə olunub.

ŞƏT-in Baş katibi Pakistanı sədrliyi üzərinə götürməsi münasibətilə təbrik edib və təşkilatın katibliyinin Pakistanın prioritetlərinin irəli aparılması üçün tam əməkdaşlıq göstərəcəyinə əminlik verib.

Görüşdə tərəflər Pakistanın ŞƏT-ə sədrliyi dövründə sıx əlaqələrin davam etdirilməsi və işlərin koordinasiyalı şəkildə aparılması barədə razılığa gəliblər.

Darın Pakistanın sədrliyi dövrü üçün prioritetlərini və təklif olunan yanaşmanı Baş katiblə bölüşdüyü, ŞƏT-in Baş katibinin isə bu prioritetlərə dəstəyini ifadə etdiyi bildirilib.

Görüşdə Pakistanın Xarici İşlər Katibi səfir Amna Baloch və ŞƏT üzrə Milli Koordinator Muhammad Faisal da iştirak edib.