Azərbaycan News Agency

Suriya Xarici İşlər və Mühacirlər Nazirliyinin açıqlamasına əsasən, Suriyanın xarici işlər naziri Əsəd Həsən Şeybani İordaniyanın Baş nazirinin müavini və xarici işlər naziri Əymən əs-Səfədi ilə Əqabədə görüşüb.

Görüşdə ikitərəfli münasibətlərin müxtəlif sahələrdə inkişaf etdirilməsi və gələn ay Dəməşqdə keçirilməsi planlaşdırılan üçüncü Ali Koordinasiya Şurası iclasına hazırlıq məsələləri müzakirə olunub. Tərəflər həmçinin Suriyada və regionda baş verən son hadisələri, onların hər iki ölkəyə təsirlərini və birgə koordinasiyanın davam etdirilməsinin əhəmiyyətini qiymətləndiriblər.