Azərbaycan News Agency

Ukraynanın xarici işlər naziri Andrii Sıbixa nazirliyin ənənəvi bayraq qaldırma mərasimindən, Krım tatar liderləri ilə keçirilən görüşdən və Krımın Ukrayna üçün əhəmiyyətindən bəhs edib.

Mərasim və iştirakçılar haqqında danışan Sıbixa deyib: "Bu gün Ukrayna Xarici İşlər Nazirliyində Krım tatar bayrağı Kök Bayraqı ucaltdıq. Nazirliyimizin 2016-cı ildə başladığı ənənəni davam etdiririk. Krım Tatar Bayrağı Günündə Krım tatar xalqının nümayəndələri Mustafa Cəmiləv, Refat Çubarov, Olha Kurişko və uşaqlarla birlikdə idik."

İki xalqın ortaq gələcəyinə və Rusiyanın işğal siyasətinə qarşı göstərilən müqavimətə diqqət çəkən Sıbixa bildirib: "Krım tatar bayrağı Ukrayna Dövlət Bayrağının yanında dalğalanır, çünki Krım tatar xalqının gələcəyi ilə Ukraynanın gələcəyi ayrılmazdır."

Krım tatar xalqının iradəsini vurğulayan Sıbixa çıxışını belə yekunlaşdırıb: "Sürgünə və Rusiyanın davam edən işğalına baxmayaraq, Kreml Krım tatar xalqının iradəsini qıra bilmədi."