Azərbaycan News Agency

Monteneqronun Baş naziri Miloyko Spayiç BMT-nin Monteneqrodakı rezident əlaqələndiricisi Karolin Tiso ilə görüşü barədə açıqlama verib.

Spayiç görüş zamanı əməkdaşlığın əsas prioritetlərini müzakirə etdiklərini bildirərək, qarşıdan gələn BMT Baş Assambleyası və yeni əməkdaşlıq proqramı ilə yanaşı, Monteneqronun Avropaya inteqrasiya və sürətləndirilmiş inkişaf prosesinin də qiymətləndirildiyini qeyd edib.

Monteneqronun qlobal proseslər və dayanıqlı inkişaf məqsədləri ilə əlaqəsini gücləndirən təşəbbüslərə BMT-nin dəstəyinin əhəmiyyətini vurğulayan Spayiç rəqəmsallaşma və süni intellektin inkişafı sahələrində birgə işlərə də toxunub.

Spayiç Monteneqro ilə BMT arasında davamlı dəstək və birgə fəaliyyətə görə təşəkkür edib.