Azərbaycan News Agency

Monteneqronun Baş naziri Miloyko Spayiç Brüsseldə keçirilən Hökumətlərarası Konfransda ölkəsinin Aİ-yə üzvlük danışıqlarında 8-ci "Rəqabət" və 29-cu "Gömrük İttifaqı" fəsillərinin bağlandığını bildirib.

Spayiç qeyd edib ki, bununla Monteneqro danışıq fəsillərinin yarıdan çoxunu bağlayıb və ölkə rəqabəti qoruyan, ədalətli bazar mühitini təmin edən və Avropa İttifaqının xarici sərhədlərini qoruya bilən institutlar yaradıb.

İrlandiyaya Aİ Şurasına sədrliyi dövründə göstərdiyi rəhbərliyə görə təşəkkür edən Spayiç bildirib ki, üzv ölkələrin dəstəyi ilə Monteneqro bu il danışıq prosesini başa çatdırmaq istiqamətində irəliləyişini davam etdirir.