Azərbaycan News Agency

Pakistanın Baş naziri Şahbaz Şərif Səudiyyə Ərəbistanına qarşı həyata keçirilən hücumları pisləyib.

Şərif bildirib ki, bu hücumlar Səudiyyə Ərəbistanının suverenliyi və ərazi bütövlüyünün pozulmasıdır və regionda sülh və sabitliyə də mənfi təsir göstərəcək.

Pakistanın Səudiyyə Ərəbistanının təhlükəsizliyinə dəstəyini bir daha vurğulayan Şərif qeyd edib ki, ölkəsi bu müddətdə Səudiyyə Ərəbistanı ilə tam həmrəylik içindədir.

Şərif əlavə edib ki, Pakistan regionda sülhün, sabitliyin, təhlükəsizliyin və qarşılıqlı anlaşmanın möhkəmləndirilməsinə yönəlmiş bütün səmimi təşəbbüsləri dəstəkləməyə davam edəcək.