Azərbaycan News Agency

Suriya Xarici İşlər və Mühacirlər Nazirliyinin Konsulluq İşləri İdarəsi konsulluq xidmətlərinin əhatə dairəsini genişləndirmək səyləri çərçivəsində Həma vilayətində yeni konsulluq ofisini istifadəyə verib.

Nazirliyin rəsmi açıqlamasına görə, konsulluq ofisinin açılışı bu gün keçirilən rəsmi mərasimlə baş tutub.

Yeni ofisin açılması ilə konsulluq xidmətlərinin vətəndaşlara daha yaxınlaşdırılması və bu xidmətlərə çıxışın asanlaşdırılması nəzərdə tutulur.

Nazirlik bildirib ki, bu addım konsulluq xidmətlərinin ölkə üzrə əhatə dairəsinin genişləndirilməsi səylərinin bir hissəsidir.