Azərbaycan News Agency

İtaliyanın xarici işlər naziri Antonio Tayani açıqlamasında Rusiyanın Ukraynada mülki əhaliyə qarşı ayrı-seçkilik qoyulmadan həyata keçirilən hücumlara görə məsuliyyət daşıdığını bildirərək, Zaporojye vilayətindəki humanitar yardım mərkəzinin hədəfə alınmasını ən sərt şəkildə pisləyib.

Tayani hücumun günahsız mülki şəxslərlə yanaşı, hər gün yardım çatdırmaq üçün çalışan insanları da hədəf aldığını bildirərək, həyatını itirənlərin ailələrinə başsağlığı verib. Ukrayna xalqı və xarici işlər naziri Andriy Sıbiha ilə həmrəy olduqlarını vurğulayan Tayani İtaliyanın Ukraynanın azadlığını və suverenliyini müdafiə etməsində onun yanında olmağa davam edəcəyini bildirib.

Tayani ədalətli və davamlı sülhə nail olmaq üçün siyasi və diplomatik danışıqların aparılmasının vacibliyini vurğulayıb.