Azərbaycan News Agency

ABŞ Prezidenti Donald Tramp İrandakı etirazlar və ölkənin hərbi personalına ödənişlərlə bağlı açıqlama verib.

İran rəhbərliyini tənqid edən Tramp, "İran İslam Respublikası ordusunun böyük bir hissəsinə maaş ödəmir. Eyni zamanda, etirazçıları hətta etiraz etmədikləri vaxtlarda belə görünməmiş səviyyədə öldürür" deyib. Tramp İrandakı vəziyyəti "nəhəng miqyaslı humanitar böhran" adlandıraraq bunun dərhal dayandırılmalı olduğunu bildirib.

Tramp həmçinin Kanadanın Ontario əyaləti ilə münasibətlər barədə, "Artıq Ontario ilə çox iş görəcəyimizi gözləmədiyimiz üçün Ontario gölünün adını Amerika gölü olaraq dəyişdirməyi ciddi şəkildə nəzərdən keçiririk" deyib.