Azərbaycan News Agency

ABŞ Prezidenti Donald Tramp sosial media hesabında paylaşdığı açıqlamada Meksika üzərindən ABŞ-yə doğru hərəkət etdiyini bildirdiyi miqrant karvanları barədə danışıb.

Respublikaçıların aralıq seçkilərdə itkilər verməsindən sonra miqrant karvanlarının yenidən formalaşmağa başladığını iddia edən Tramp Meksika hökumətinə çağırış edib.

Tramp Meksikanın həmin karvanları dayandırmayacağı təqdirdə ölkəyə tətbiq olunan gömrük rüsumlarını dərhal ikiqat artıracağını bildirib. O, həmçinin ABŞ Sərhəd Patrul Xidməti və İmmiqrasiya və Gömrük Mühafizəsi Xidmətinin (ICE) məsələ ilə bağlı məlumatlandırıldığını qeyd edərək bu mövzuda heç bir güzəştə gedilməyəcəyini vurğulayıb.