Azərbaycan News Agency

The Guardian xəbərinə görə, Tramp Truth Social hesabında paylaşım edərək bildirib ki, tərəflər gələn həftə hələ müəyyənləşdirilməmiş bir yerdə, xarici işlər nazirləri də daxil olmaqla yüksək səviyyəli rəsmilərin görüşməsi barədə razılığa gəliblər.

O, həmçinin qeyd edib ki, Putinlə yenidən Budapeştdə görüşəcək və əlavə edib: “Rusiya ilə Ukrayna arasındakı bu ‘rüsvayçı’ müharibəni bitirə bilərikmi, görəcəyik.”

Görüşdən sonra Tramp bildirib ki, sabah Ukrayna Prezidenti Volodimir Zelenski ilə Ağ Evdə görüşəcək və əlavə edib: “Bu gün böyük irəliləyiş əldə edildiyinə inanıram.”

Tramp, həmçinin, Yaxın Şərqdə əldə ediləcək uğurun Rusiya–Ukrayna müharibəsinə son qoymaq üçün aparılan danışıqlara da töhfə verəcəyinə inandığını bildirib. O deyib ki, Putin Melaniya Trampa uşaqlarla bağlı fəaliyyətlərinə görə təşəkkür edib və bu səylərin davam etdiriləcəyini bildirib. Liderlər həmçinin müharibədən sonra Rusiya və ABŞ arasında ticarət münasibətlərini müzakirə ediblər.