Azərbaycan News Agency

Növbəti ay seçkilərin keçirilməsi ehtimalı barədə danışan Tramp deyib: “Əvvəlcə ölkəni düzəltməliyik. Seçki keçirmək olmaz. İnsanların hətta səs vermək imkanı belə yoxdur. Xeyr, bu vaxt aparacaq. Ölkəni sağaltmalıyıq.”

O, həmçinin ABŞ-ın ölkənin enerji infrastrukturunun yenidən qurulmasına kömək etmək üçün neft şirkətlərinə subsidiya verə biləcəyini bildirib və bu layihənin 18 aydan az müddətdə başa çata biləcəyini qeyd edib.

“Düşünürəm ki, bunu daha qısa müddətdə edə bilərik, lakin çox pul lazım olacaq. Çox böyük məbləğlər xərclənməlidir və bunu neft şirkətləri xərcləyəcək, sonra isə bizdən və ya gəlirlərdən geri ödəniş alacaqlar”, – deyə Tramp bildirib.

Tramp həmçinin israrla vurğulayıb ki, ABŞ Venesuela ilə müharibə vəziyyətində deyil.

“Xeyr, deyil. Biz narkotik satan insanlarla müharibədəyik. Həbsxanalarını boşaldan, narkotik asılılarını və psixiatriya xəstələrini ölkəmizə göndərən insanlarla müharibədəyik”, – deyə o bildirib.

Təxminən 20 dəqiqəlik müsahibə zamanı Tramp ABŞ-ın Venesueladakı müdaxiləsinə nəzarət etməyə kömək edəcək bir qrup amerikalı rəsmisini də açıqlayıb. Bu şəxslər arasında Dövlət katibi Marko Rubio, Müdafiə naziri Pit Heqset, Ağ Evin aparat rəhbərinin müavini Stiven Miller və vitse-prezident Cey Di Vens yer alır.