Azərbaycan News Agency

Pakistanın Baş nazirinin müavini və xarici işlər naziri Ishaq Dar Amerika Birləşmiş Ştatlarının (ABŞ) Suriya Ərəb Respublikasına qarşı bütün sanksiyaları ləğv etmək qərarını alqışladıqlarını açıqlayıb.

Dar bildirib ki, qərar Suriya iqtisadiyyatının bərpasına və inkişafına töhfə verəcək, eyni zamanda regional sülh və sabitliyə xidmət edəcək.

Pakistanın Suriyanın suverenliyinə, birliyinə və ərazi bütövlüyünə qəti dəstəyini bir daha vurğulayan Dar ölkəsinin Suriya ilə ikitərəfli əməkdaşlığı daha da inkişaf etdirməyə hazır olduğunu bildirib.

Dar Pakistanın Suriya ilə davamlı sülh və rifahın təmin edilməsi məqsədilə əməkdaşlığı genişləndirməyə davam edəcəyini qeyd edib.