Trampın 12 ölkənin vətəndaşlarına tətbiq etdiyi səyahət qadağası qüvvəyə mindi
Vaşinqton, 9 iyun (Hibya) – Prezident Donald Trampın 12 ölkənin vətəndaşlarının ABŞ-a daxil olmasını qadağan edən geniş miqyaslı səyahət qadağası bazar ertəsi Bakı vaxtı ilə saat 07:00-da qüvvəyə minib.
Trampın ötən həftə imzaladığı sərəncam Əfqanıstan, Myanma, Çad, Konqo-Brazavil, Ekvatorial Qvineya, Eritreya, Haiti, İran, Liviya, Somali, Sudan və Yəmən vətəndaşlarının ABŞ-a girişini məhdudlaşdırır.
Burundi, Kuba, Laos, Syerra Leone, Toqo, Türkmənistan və Venesuela kimi yeddi ölkənin vətəndaşları isə qismən səyahət məhdudiyyətləri ilə üzləşəcəklər.
ABŞ prezidenti bildirib ki, "maddi yaxşılaşdırmalar" olarsa siyahı yenidən nəzərdən keçirilə bilər və "qlobal təhdidlər ortaya çıxdıqca" digər ölkələr də əlavə oluna bilər.
Azərbaycan İnformasiya Agentliyi
Facebook
Tweeter
Whatsapp
