Azərbaycan News Agency

ABŞ fond bazarları həftənin son ticarət gününü yüksəlişlə tamamladı. İnvestorların risk iştahının artması ilə əsas indekslərdə müsbət dinamika müşahidə olundu.

Dow Jones Industrial Average indeksi 294,04 bənd artaraq 0,58 faiz yüksəldi və 50.579,70 bənddə bağlandı.

S&P 500 indeksi 0,37 faiz artaraq 7.473,47 bəndə yüksəldi, texnologiya yönümlü Nasdaq Composite indeksi isə 0,19 faiz bahalaşaraq 26.343,97 səviyyəsinə çatdı.

Kiçik şirkətlərin səhmlərini əhatə edən Russell 2000 indeksi də 0,91 faiz yüksələrək 2.869,225 bəndə çatdı.

Bazarlardakı dəyişkənliyi göstərən CBOE Volatility Index isə 0,36 faiz azalaraq 16,70 səviyyəsinə endi.