Azərbaycan News Agency

Estoniyanın xarici işlər naziri Margus Tsahkna sərhəd təhlükəsizliyinin artırılmasına yönəlmiş texnoloji addımlara diqqət çəkərək Avropa İttifaqı və NATO sərhəd xətti boyunca müşahidə imkanlarının gücləndirildiyini bildirib.

Sərhəd xəttindəki yeniliyi açıqlayan nazir Tsahkna, “Aİ və NATO sərhədindəki kor nöqtələr aradan qalxır. Narva çayı boyunca yeni pilotsuz uçuş aparatları ilə müşahidə sistemi fəaliyyətə başlayıb.” deyib.

Estoniya sərhədçilərinə vurğu edən Tsahkna, “Bu, Estoniya sərhədçilərinə sərhəddə və sərhədə yaxın ərazilərdə pilotsuz uçuş aparatlarının fəaliyyəti haqqında daha aydın məlumat verir.” ifadələrini işlədib.

Gələcək dövrün hədəflərinə toxunan Tsahkna açıqlamasını “Növbəti addım həm sərhəddə, həm də bütün Estoniya üzrə pilotsuz uçuş aparatlarına qarşı mübarizə qabiliyyətini inkişaf etdirməkdir.” sözləri ilə tamamlayıb.