Azərbaycan News Agency

Estoniyanın Xarici İşlər Naziri Marqus Tsahkna İran tərəfindən Naxçıvandakı mülki obyektlərə və hava limanına qarşı həyata keçirilən hava hücumları ilə bağlı açıqlama verib.

Tsahkna hücumların regional təhlükəsizlik üzərində dağıdıcı təsirlərinə diqqət çəkərək bildirib: “Azərbaycanın Naxçıvan Muxtar Respublikasındakı hava limanına zərər vuran və mülki şəxsləri yaralayan İranın pilotsuz uçuş aparatı hücumları beynəlxalq hüququn və dövlətlərin suverenliyinin açıq şəkildə pozulmasıdır. Region ölkələrinə qarşı belə düşüncəsiz hərəkətlər qəbuledilməzdir və dayandırılmalıdır.”

Estoniyanın dəstəyinə toxunan Tsahkna əlavə edib: “Estoniya Azərbaycan ilə həmrəylik içindədir və bölgədə sülh və təhlükəsizliyi dəstəkləyir.”