Azərbaycan News Agency

Birləşmiş Millətlər Təşkilatının İnsan Hüquqları üzrə Ali Komissarı Volker Türk avtonom silah sistemlərinin istifadəsi ilə bağlı dövlətlərə çağırışını bir daha təkrarlayıb.

Türk bildirib ki, dövlətlər avtonom silahların istifadəsinə dair hüquqi cəhətdən məcburi qadağa və məhdudiyyətləri təcili şəkildə qəbul etməlidirlər.

Avtonom silah sistemlərinin istifadəsində insan qərarlarının aradan qaldırılmasına diqqət çəkən Türk həyat və ölümlə bağlı qərarların maşınlara həvalə edilə bilməyəcəyini vurğulayıb.

Türk paylaşımında Baş katibin dövlətlərə çağırışını dəstəkləyərək, avtonom silahların yarada biləcəyi risklərə qarşı beynəlxalq səviyyədə hüquqi cəhətdən məcburi qaydaların qəbul edilməsinin vacibliyini qeyd edib.