Azərbaycan News Agency

Birləşmiş Millətlər Təşkilatının İnsan Hüquqları üzrə Ali Komissarı Volker Türk İslandiyaya səfərindən sonra hökumət nümayəndələri, parlament üzvləri və vətəndaş cəmiyyəti təmsilçiləri ilə keçirdiyi görüşləri dəyərləndirib.

Görüşlərdən məmnunluğunu ifadə edən Türk kiçik dövlətlərin insan hüquqlarının inkişaf etdirilməsində oynadığı mühüm rola diqqət çəkib.

Türk açıqlamasında bildirib: “Hökumət, parlament üzvləri və vətəndaş cəmiyyəti ilə apardığım səmərəli müzakirələrdən sonra İslandiyanı minnətdarlıq hissi ilə tərk edirəm. Bu səfər kiçik dövlətlərin insan hüquqlarının inkişaf etdirilməsində oynadığı həyati rolu bir daha xatırlatdı.”

Türk həm ölkələrin daxilində, həm də qlobal miqyasda problemlərin həllində açıq dialoqun əhəmiyyətini vurğulayaraq bu yanaşmanın mövcud çətinliklərin aradan qaldırılmasına töhfə verəcəyini bildirib.