Azərbaycan News Agency

Polşanın Baş naziri Donald Tusk hava məkanının pozulmasından sonra müdafiə naziri və aidiyyəti qurumların iştirakı ilə koordinasiya qrupunun yaradıldığını və vəziyyətin yaxından izlənildiyini açıqlayıb.

Hadisə ilə bağlı məlumat verən Tusk deyib: "Rusiyanın Qərbi Ukraynaya həyata keçirdiyi genişmiqyaslı raket hücumu zamanı Polşanın hava məkanı pozulub."

Hadisə ilə bağlı görülən işlərdən danışan Tusk bildirib: "Müdafiə naziri və aidiyyəti qurumlarla birlikdə koordinasiya qrupu yaratmışam; qrup artıq bir neçə saatdır hadisə yerində çalışır və bütün vəziyyət barədə mənə mütəmadi olaraq məlumat verir."