Azərbaycan News Agency

Tusk bildirib ki, "Əslində, heç kim Rusiyanın bu təklifi qəbul edib-etməyəcəyini bilmir... yoxsa o, digər tərəfdaşlar üçün qəbuledilməz şərtlər irəli sürməyə davam edəcəkmi?".

Bu açıqlamalarını Tusk Ankaradan qayıtdıqdan sonra jurnalistlərə verib. O, Türkiyə Prezidenti Rəcəb Tayyib Ərdoğan ilə görüşdüyünü və iki liderin Türkiyənin Ukrayna üçün gələcək təhlükəsizlik zəmanətinə qoşulub-qoşulmayacağını müzakirə etdiyini bildirib.

Tusk sözlərinə belə davam edib:

"Səudiyyə Ərəbistanındakı görüşlərdən sonra təkcə kimin təcavüzkar və kimin qurban olduğu deyil, həm də kimin doğrudan da atəşkəs və sülh istədiyi və kimin müharibəni davam etdirmək istədiyi açıq şəkildə görünür."

O, eyni zamanda ABŞ, Ukrayna və Avropanın diplomatik səylərinin müharibənin sonuna gətirib çıxaracağına ümid etdiyini vurğulayıb.

Tusk, Polşa Prezidenti Andjey Dudanı da tənqid edərək, onun ABŞ-ın nüvə silahlarını Polşa ərazisinə yerləşdirməsi çağırışına dair ictimai bəyanatlar verdiyini qeyd edib.

Duda "Financial Times" qəzetinə müsahibəsində, "NATO-nun sərhədləri 1999-cu ildə şərqə doğru genişləndirildi, ona görə də 26 ildən sonra NATO infrastrukturunun da şərqə doğru hərəkət etməsi lazımdır. Məncə, bu, aydındır" deyib.

Tusk, bu cür çağırışların mediada edilməsi ilə bağlı şübhələrini ifadə edərək, bu tip təşəbbüslərin yalnız dinləniləcəyinə və ciddi qəbul ediləcəyinə əmin olduqda irəli sürülməli olduğunu vurğulayıb.

Dudanının bu təklifini hökumətə məsləhətləşib-məsləhətləşmədiyi sualına cavab olaraq, Tusk əlavə şərh verməkdən imtina edib.