Azərbaycan News Agency

Ukrayna Xarici İşlər Nazirliyinin açıqlamasında Rusiyanın Ukraynaya qarşı hücumlarının dəniz təhlükəsizliyi və ticarət üçün risk yaratdığı iddia edilib.

Açıqlamada mülki gəmilərin və limanların hədəfə alındığı, dəniz yollarına minalar yerləşdirildiyi və Qara dənizin neft, kimyəvi maddələr və digər zərərli elementlərlə çirkləndirildiyi iddia olunub. Partlayışlar və minalar səbəbindən insanlarla yanaşı, delfinlərin və digər qorunan dəniz canlılarının da zərər gördüyü bildirilib.

Açıqlamada Rusiyanın sözdə kölgə donanmasına da toxunularaq, yüzlərlə köhnə tankerin Rusiya neftini daşıdığı və bəzi gəmilərin texniki vəziyyəti və qeyri-kafi sığorta şərtləri səbəbindən neft sızması riski yaratdığı irəli sürülüb. Bəzi kölgə donanması gəmilərinin Avropadakı kritik sualtı infrastrukturun ətrafında şübhəli fəaliyyətlərlə əlaqələndirildiyi iddia edilib.

Ukrayna Xarici İşlər Nazirliyi dənizlərin beynəlxalq qaydaların nəzərə alınmadığı məkanlara çevrilməməli olduğunu bildirərək, dəniz hüququnun praktikada da qorunması və tətbiq edilməsi çağırışı edib.