Azərbaycan News Agency

Xorvatiyanın Baş naziri Andrej Plenkovic Avropa İttifaqının genişlənmə üzrə komissarı Marta Kos ilə görüş keçirib.

Plenkovic bildirib ki, görüş Xorvatiyanın Xarici və Avropa İşləri Nazirliyinin Səfirlərin İllik Konfransı çərçivəsində, baş konsulların, konsulların və hərbi nümayəndələrin də iştirak etdiyi tədbirdə baş tutub.

Görüşün əsas gündəliyini Avropa İttifaqının genişlənmə prosesinin davam etdirilməsi təşkil edib.

Bundan əlavə, Cənub-Şərqi Avropadakı vəziyyət və namizəd ölkələrin Aİ-yə üzvlük prosesində irəliləyiş əldə etmələri üçün zəruri meyarları yerinə yetirmələrinin əhəmiyyəti müzakirə olunub.

Plenkovic bildirib ki, görüşdə namizəd ölkələrin üzvlük prosesində irəliləyişinin müəyyən edilmiş meyarları yerinə yetirmələri ilə birbaşa əlaqəli olduğu vurğulanıb.