Azərbaycan News Agency

Ukrayna Prezidenti Volodimir Zelenski Moldovanın paytaxtı Kişinyovda ABŞ Prezidentinin nümayəndələri ilə görüş keçirib.

Zelenski açıqlamasında Kişinyov hava limanında dayanacaq zamanı ABŞ Prezidentinin nümayəndələri Stiv Vitkoff və Cared Kuşner ilə görüşdüyünü və görüşün müsbət keçdiyini bildirib.

Yaxın həftələrdə diplomatiyanın yenidən canlandırılmasının vacibliyini vurğulayan və tərəflərin fəal işləməyə hazır olduğunu qeyd edən Zelenski deyib: “Rusiyanın Ukraynaya qarşı müharibəsini sona çatdırmağa yönəlmiş diplomatiyanı sürətləndirmək üçün işləməyə hazır olduqlarına görə minnətdaram.”

Ukrayna lideri əlavə edib: “Ukraynalılara göstərilən hörmət ifadələrinə və Ukraynanın mövqelərinə verilən müsbət qiymətləndirmələrə görə təşəkkür edirəm.”